Aŭstralia Esperanto forumo

drb · Afiŝita: Mer Feb 27, 2008 7:05 am Afiŝu subjeknton: mirmekobo

Mi ne plu estas redaktoro de Esperanto sub la Suda Kruco. Mi eksiĝis el tiu posteno antaŭ du tagoj, pro malakordoj inter mi kaj la AEA-estraro. Tamen, la marto-aprila numero jam estis ĉe la presisto kaj oni do ricevos ĝin sen mencio pri la eksredaktoriĝo.

Pli agrabla anonco estas ke mi intencas en aprilo komenci la retaperigadon de nova tutesperanta revuo nomota Mirmekobo.(Mirmekobo estas la esperanta nomo de la angle nomata besto Numbat, la ŝtatbesta emblemo de Okcidenta Aŭstralio.)

Mirmekobo aperos en pdf-formo, kaj estos akirebla nur perrete. Ĝi estos nur en Esperanto, kaj estos per-esperanta, anstataŭ pri- aŭ por-esperanta, revuo. Ĝi ne aperigos priesperantaĵojn, movadajn informojn aŭ anoncojn aŭ diskutojn; ĝi ja aperigos ĉiaj literaturaĵojn (novelojn, poemojn...), desegnaĵojn/fotojn, artikolojn pri hobioj, pri oniaj spertoj, esperoj, recenzojn (ne nepre pri novaj libroj) kc.kc.kc.

Mirmekobo estos tute senpaga. Oni povos ricevi ĝin nur retpoŝte. Ĝi celos esti internacia revuo, kvankam sendube en la unua tempo la enhavo estos pleje aŭstralazia.

Se vi deziras kontribui al Mirmekobo, ricevadi ĝin, komenti pri ĝi, demandi pri ĝi, kc., ĝia epoŝta adreso estas: mirmekobo@mac.com

Don Broadribb
_________________
Don Broadribb

Ajven · Kuniĝita: 30 Sep 2007 Afiŝoj: 29 Loko: St Kilda

Kara drb, dankon pro cia senlaca laboro por Esperanto. Laŭ la diraĵo 'unu pordo fermatas dum alia malfermatas'. Mi kun scivolemo kaj ĝuo volas sperti kion prezentiĝos en mirmekobo!

sunamanto · Kuniĝita: 30 Sep 2007 Afiŝoj: 31 Loko: Melburno

Ne mirigas min ke finfine la estraro de AEA sukcesas havi la tutan kontrolon de ESK. La koncentrigxo de cxiu informo- fonto en la samaj manoj sendube montras kiom demokrata tiu asocio farigxis.
Ni adiauu la pasinton kaj salutu la estonton. Mi gxojas ke vi decidis aperigi retrevuon tute en Esperanto, Don, kaj senpacience atendas Aprilon por gxin legi.
_________________
mfmt

hetinjo · Kuniĝita: 28 Sep 2007 Afiŝoj: 2

Mi antaugxuas legi vian novan verkon je forumo. Dankon por pasinteco kaj estonteco. Cxion bonan al vi. hv